BIRAMPIRE

Habayeho umugabo akitwa Birampire, akaba umunyangeso nziza cyane. Bukeye aragenda ahura n'abagabo bajya guca ubwatsi bwo kwenga inzoga, yenda umuhoro ajyana na bo, abafasha guca ubwatsi.

Baragenda, baza kubona abagabo batemaga amasaka. Birampire arababwira ati "Ntawabafasha mukamuhemba?" Bati "Twaba tugize amahirwe". Birampire afata umuhoro aratema. Barangije Birampire abaza ibihembo. Abagabo baramubwira bati "Dusubirizeho amasaka tubone kuguhemba". Birampire arumirwa, ati "Mana y'i Rwanda ndenganiye iki?" Agira Imana amasaka asubira guhagarara, baramuhemba aragenda.

Birampire aza kugera aho abagore bagesaga uburo, ati "Ntawabafasha mukamuhemba?" Abagore bati "Urakaza". Birampire agesa uburo araburangiza, yaka ibihembo. Abagore bati "Dusubirizeho uburo". Birampire arongera ati "Mang y'i Rwanda, ndenganiye iki?" Uburo burasubirana. Abagore baramuhemba aragenda.

Birompire arakomeza agera aho umukecuru ahinga, aramubwira ati "Ntawagufasha ukamuhemba?" Umukecuru aramusubiza ati "Mwana wanjye se ntureba aya maboko, mbonye umfasha sinaba ngize Imana?" Birampire arahinga, igisambu arakirangiza, ati "Ngaho mpemba". Umukecuru ati "Banza unsubirizeho igisambu".

Birampire arongera yiyambaza Imana ati :"Mana yanjye ndarenganye". Igisambu cyanga gusubirana! Birampire ari: "Noneho Imana irantanze: Arongera arayitakira, igisambu kiranga! Birampire amaze gushoberwa, ari nta kundi yagira, yenda isuka ayikubita umukecuru. Umukecuru avuza induru. Birompire yumvise induru ati "Uwamuhwanya, akamwica". Igihe agiye kumusonga, abumvise induru baba barahageze. Birampire abura aho ahungira; nuko abahuruye bose bamwirohaho baramwica! Birampire atanga ka gakecuru gupfa.

Umugira nabi ayishima ayirariye. Inabi irazirwa.

Si jye wahera hahera umugani.