Imigani itangirwa na "A"

1.   Ababiri bagiye inama baruta umunani barasana.
Umuryango w'abantu bake bumvikana, urusha
imbaraga umuryango munini usubiranamo. Uyu mugani bawucira gushishikariza
abantu gushyira hamwe no guhuza umutima. Abajya inama Imana irabasanga.

2.   Ababiri bakika umwe.
3.    Ababiri bateranya abeza.
4.    Ababiri bica umwe.
5.    Ababiri ntibacibwa inka.
6.    Abacuranye ubusa basangira ubundi.
7.    Abadapfuye ntibabura kubonana.

8.   Abagabanye imbisi (inyama) ntibagabana umufa (cyangwa: ntibagabana izihiye).
Kugabana inyama mbisi bivuze ko hariho
inkono ebyiri zo guteka. Kugabana izihiye bivuze kurira hamwe. Abateka ukubiri
bagomba no kurya ukubiri. Kugabana bishushanya kumvikana.
Iyo abantu bagiranye amasezerano ni ngombwa
kuyubahiriza.

9.   Abagabo babiri ntibabana mu nzu imwe.
10. Abagabo bararya imbwa zikishyura (zikaryora).
11. Abagira amenyo baraseka.
12. Abagira impingo ibigega biragwa.

13. Abagira inyonjo bagira ibirori.
Kera umuntu ufite inyonjo yagendanye
n'umuntu ucumbagira. Noneho abantu bakagenda bashungera umunyanyonjo, naho ucumbagira ntibamwiteho. Ucumbagira ni ko kuvuga ati «abagira inyonjo bagira ibirori».
Bashobora kuwucira ku muntu ugira amafuti
kandi akayiratana.

14. Abagira iyo bajya baragenda.
15. Abagiye inama Imana irabasanga.
16. Abahiga ubugabo baratabarana.
17. Abahigi benshi bayobya imbwa uburari.
18. Abahiniye hamwe bahima (bahenda) abari hanze.
19. Abahizi babiri ntibanyura inzira imwe.
20. Abajyanama babiri bishe umujyanama umwe.
21. Abajyanama bacishije ukubiri ibyabo ntibishyika.
22. Abajyanama bishe imbwa y’umwami irahera.
23. Abajya inama ari babiri banyaga inka z’abarasa munani.
24. Abajya impaka ari babiri umwe aba yigiza nkana.
25. Abakingiranye inyegamo ntibakingirana ingabo.
26. Abakiranye ntibahishana ibibuno.
27. Abakobwa ni nyampinga.
28. Abakundanye barajyana.
29. Abakundanye ni bo bangana.
30. Abakunzi baza bishize.
31. Abakwe ni aba mbere; ibya nyuma bica amazuru.
32. Abana ba Samusure bavukana isunzu.
33. Abana basangira ibere ntibasangira umugisha.
34. Abana ni babiri: Gahanwa na Gahannyi.
35. Abana ni batatu: Uwibwira, Ubwirwa na Tereriyo.
36. Abahanga babiri ntibotsa igihaha.
37. Abangana ubwenge basa ntibabana.
38. Abantu n’ibintu ni magirirane.
39. Abaryi b’imigongo baribwire.
40. Abasangira bashonje ntawe usigariza undi.
41. Abasangiye basigana imbyiro.
42. Abasangira ubusa bitana ibisambo.
43. Abasangiye imfizi ntibasekana inkuku; Cyangwa: ntibasekana amahembe magufi.
44. Abasa barasangira.
45. Abaswa ntiberekwa imishinga.
46. Abatanye badatata barasubirana.
47. Abateranye imigeri ntibahisha n’amabya.
48. Abaturanye babyarana abana basa.
49. Abatutira batongana batura ukubiri.
50. Abavandimwe iyo bavumbitse akarenge uvumburamo akawe.
51. Abegereye uruganda ntibabura urwavumba.
52. Aberekeranye ntibabura kwendana.
53. Abeza ba ruguru baseka ibimuga bishinyikiye mu
    kabande.
54. Abibeshya b’i Mukarange bagira ngo Nyiraguheka ni
    nyirasenge.
55. Abishunga b’i Mukarange bagira ngo Nyiraguheka ni
    nyinawabo.
56. Ab’imbwa bifuza ko budacya.
57. Aboro babiri ntibasangira umwerera.
58. Aboro basera guhanya.
59. Abo ntekera impengeri ni bo bantera amabuye.
60. Abonye isha itamba ata n’urwo yari yambaye.
61. Abotanye kera ntibahishanya amabya.
62. Abo umwami yahaye amata ni bo bamwimye amatwi.
63. Abwirwa benshi akumva bene yo.
64. Acuritse inkanda ntacuritse umutima.
65. Agaca amakungu ni ukwima uwarugendagamo.
66. Agaciro gake karuta akamaro gacye.
67. Agacumu gahabwa agahari, naho agahararutswe gahabwa agahini.
68. Agacumu kazaguhorera (kazahorera umugabo) ntumenya uwagacuze.
69. Agahana imbwa ni agashirira.
70. Agahanga k’umugabo gahangurwa n’uwakaremye.
71. Agahanga k’umugabo gahuma katavuze.
72. Agahango gato karuta umugenderano.
73. Agahararo ntikabuza agahararuko.
74. Agaharawe gahabwa agahari, naho agahararutswe gahabwa agahini.
75. Agahimbaza umusyi kaba munsi y’ingasire.
76. Agahinda gahima indyarya kaba mu rutare kwa Rwirebe.
77. Agahinda gashira akandi kari itumba.
78. Agahinda gashira bake.
79. Agahinda k’inkoko kamenya inkike yatoyemo.
80. Agahinda k’inkono kamenywa n’uwayiharuye.
81. Agahinda ntigashira; gashira nyirako yapfuye.
82. Agahinda ntikajya ahabona.
83. Agahinda ntikica kagira mubi.
84. Agahinda ni ukubura uwo ukunda.
85. Agahinda si uguhora urira.
86. Agahini gahima indyarya kaba mu rutare rwa Kirebe.
87. Agahugu Imana yagusasiye ntukarenga.
88. Agahugu k’abagore ntikabura amazimwe.
89. Agahugu karimo indushyi, abapfu ntibabura amazu.
90. Agahuru gakomeye kiyima umupfu.
91. Agahuru gasabye umuntu inyama ntakarenga.
92. Agahuru kagusabye amaraso ntukarenga.
93. Agahuru gahinyuza inkumi.
94. Agahwa kari ku wundi karahandurika.
95. Agakambye ugatega u Rwanda (ugatega iminsi).
96. Agakara gasiga imbwa ntigasiga akako.
97. Agakecuru gakize ntikabura abuzukuru.
98. Agakecuru gatanze akandi gushoka kagira ngo dore ubwo
    butama bwako.
99. Agakecuru karitse ntikabura abuzukuru.
100. Agakeya kanga mu jisho ntiakanga mu
     kanwa.
101. Agakijije umwana kabyize se.
102. Agakoba gahambirije inkuru bijyana mu
     nkono.
103. Agakomeye karakomereka.
104. Agakoni k’iminsi kaba infuruka zose.

105.   Agakoni k’umukobwa ni nkora ngende.

106.   Agakoza umuntu ibara ntikaba kanini.

107.   Agakubitiye mu nkono ntikica umugabo.

108.   Agakujije umwana ufite se na nyina kaba
gakujije imfubyi.

109.   Agakungu gakuna imbwa.

110.   Agakunze ababiri karabateranya.

111.   Agakuye intozo ku ishyiga umugunzu
ntuharindira.

112.   Agapfa kaburiwe (kabwiwe) ni impongo.

113.   Agapfundikizo k’inda ni ijosi.

114.   Agapfundikiye gatera amatsiko.

115.   Agapfunyika ka kabutindi ukarenza urugo
kakagaruka.

116.   Agapfuye karapfunyikwa, aho uruhu
rw’intare rurindwa imbeba.

117.   Agapfuye karatuba, inyama z’imfizi
ntizatetswe mu rwabya.

118.   Agasamunyiga bagize ngo karanuka, kati
“Babimbwira babigize kabiri”.

119.   Agasamunyiga kati “Ucecetse
nkunyinyitse”.

120.   Agasamunyiga kabwiye akagore kako kati
“Ngiye gushaka abagore babiri”, akandi kati “Kurya unuka neza!”

121.   Agasamunyiga kari mu icukiro kati “Mbuze
amata simbuze amavuta!”

122.   Agasamunyiga kari mu icukiro kitwa
ruhangara-joro.

123.   Agasani k’imbwa kayigoborera akaguye.

124.   Agasaza gatanze akandi kagira ngo nkize
ubunogori.

125.   Agasaza kamwera akandi kuzakamwa.

126.   Agasaza k’inshizi y’amanga kabona inkumi
ibyutse kati “Ngwino unyoze ibirenge!” Inkumi iti “Birakozwa na Nyabarongo cyangwa: n’umugezi utemba”.

127.   Agasaza kiziringurije mu mbere kahakura
ubuhumyi.

128.   Agasebe k’amaganya ugashima wicuye.

129.   Agashesho iyo kashize, uwahekwaga
arijyana.

130.   Agashize gashirwa isoni.

131.   Agashungo iyo gashize uwahekwaga
arigenza.

132.   Agashungo koshya n’abagashungera.

133.   Agashyitsi kari kera (kagiye kera)
kavumbika umuriro.

134.   Agashyo kabaga amatungo y’abandi
ntikabura ubugi.

135.   Agashyo kabaga imfura ni uguturana.

136.   Agasiga karira imfusha gahora karegetse;
cg:
Agasiga kaririye imfusha gahora
karekereje.

137.   Agasiga karira imfusha gahora kareba ko
inda yaba umumiro. 12

138.   Agasinde iyo kajya kumanyuka karabira.

139.   Agasore gahimba akandi kataraza.

140.   Agasore gashima akandi kaguye.

141.   Agasore ndarishokoje ntikabura
(ntikarushinga)

142.   Agasozi gashira inshuti (abakunzi)
ntigashira abashinyaguzi.

143.   Agasozi gashizeho abagabo imbwa zikwiza
amazina (3 na 13).

144.   Agasozi gataramye inka kamanuka indi.

145.   Agasozi gaterera ugatega inshuti.

146.   Agasozi kabyiruye impaze ntikabura
impagarara.

147.   Agasozi kagufi kagushyikiriza akarekare.

148.   Agasozi kariho indushyi nta mupfu
ukaburaho inzu.

149.   Agasozi kamanitse imbwa ntigashira. (13)

150.   Agasozi katagira umukuru kagwaho ishyano
rikirirwa, rikarara cyangwa rikirirwa aho rikarara aho.

151.   Agasozi kazamuka inka kakazamanuka
izindi.

152.   Agatatu gatatira ikibi.

153.   Agatebo gacitse kayora ivu.

154.   Agati gaciye ntikabura izuba. (15)

155.   Agati gateretswe n’Imana
ntigahungabanywa n’umuyaga.

156.   Agati gatoshye ugatega izuba.

157.   Agati kagusabye amaraso ntukayarenza.

158.   Agati kamanitse imbwa ntikabura
urubwejaguro.

159.   Agati kazagusiga amabyi ntukarenga.

160.   Agati kazasiga umugabo amabyi akanera
gakubiranyije.

161.   Agati kina umwana ntigacanwa (7).

162.   Agatinda kadahera ni amenyo ya ruguru.

163.   Agatinze gakambya inda.

164.   Agatinze karuta agaheze.

165.    Agatinze kazanduruka ni inkumi
n'ikirondo (6).

166.    Agatinze kazaza ni ubugabo
bw'uruhinja (7).

167.   Agatinze kazaza ni amenyo ya ruguru
(162).

168.   Agatinze mu rusyo karahinyuka.

169.   Agato kanga mu jisho ntikanga mu kanwa
(100; 170)

170.   Agatoki kamenyereye gukomba gahora
gahetamye (171).

171.   Ak'i Muhana kaza imvura ihise.

172.  
Agatsirikwa ntigahere ni amenyo ya ruguru (162; 167).

173.  
Agaturanyi gashya gatera amabavu.

174.  
Agatwenge gaca hejuru y'agahinda.

175.  
Agira amakaba ntagira amarindira (8).

176.  
Ahabaye imanga ntiharagirwa inka (8).

177.  
Ahabaye induru ntihaba indagiro.

178.  
Ahabaye ishyamba abana ntibaharagira (7).

179.  
Ahacurirwa amagara ntihacurirwa ubuhozozo (14).

180.  
Ahageze icyuma haba inkovu.

181.  
Ahageze icyuma haba uruguma.

182.  
Ahagukanze ntuhatega inturo.

183.   Ahaje ubwanwa haba hanze ubwana.

184.   Ahakize hitwa inkovu.

185.   Ahari amahoro (ubuhoro) umuhoro urogosha
(11).

186.   Ahari ibicuma ntihabura ibicumuro.

187.    Ahari igisebe ntihabura isazi (11).

188.   Ahari ikiziba uhatega Nyakanga na Kamena.

189.   Ahari inyo ntihava.

190.   Ahari ubwenge hagiye inda.

191.   Ahatari ingenzi ingegera zirugurura.

192.   Ahatumuka ibiziba uhatega Kamena na
Nyakanga (reba no188).

193.   Ahavuye ndashimye ntihava ndagaye.

194.   Ahavuye umugabo hasubira umugayo (3).

195.   Aheneye uzi kurunguruka.

196.   Aho abakobwa babuze ibikona bikuba
amaboko (6).

197.   Aho abakuru babuze abato bishakamo
umukuru (7).

198.   Aho ari kure, ni ho ari kare.

199.   Aho amagara acurirwa ntihacurirwa
ubuhozozo (reba no 179).

200.   Aho ga birenge ni wowe ubwirwa!

201.   Aho gatindi yabaye umukobwa atanga nyina
kumera insya (6).

202.   Aho guha uw'ukunda waha ugukunda.

203.   Aho guhamagara ukwihorera wahamagara
usinziriye.

204.   Aho guhana umupfu wayobya umuvu.

205.   Aho guhandwa n'akayuzi k'i Rwanda
wahandwa n'agahwa kaho.

206.  
Aho gukenura inka wakenura nyirazo (8).

207.  
Aho gupfusha umurimyi wapfusha umurima.

208.   Aho gutera urubwa uzatere urutoki.

209.  
Aho guturana n'umwanzi waturana n'itongo.

210.  
Aho kubaza ubwoko ujye ubaza inshyuro.

211.  
Aho ibyago byaje ibihaha bica umuhoro (11).

212.  
Aho imbwa ikubitiwe irahagaruka (ntihava).

213.  
Aho imbwa iririye ntihava (ntihatarabuka) (reba na 13).

214.   Aho imfizi irindirije ni ho yimiriza (8).

215.   Aho imfubyi ziri abapfu ntibabura amazu
(reba no 88, 148).

216.   Aho imfura zisezeraniye ihatanze indi
irahaborera.

217.  
Aho imondo ibyutse haryama umukara (13).

218.   Aho ingenzi zitari ingegera zirugurura.

219.  
Aho ingwe itari imondo ishora inyana (yahura inyana) (reba 8 & 13).

220.  
Aho inkoko yasheshe kera ihata iryoya (ibaba) (reba 10).

221.  
Aho inkongoro zitari ibishwi biratanaga (12).

222.  
Aho intozo ikubitiwe akabwana kotana amakenga (13).

223.  
Aho intumbi iri ni ho inkongoro ziteranira (évangile) => 12.

224.  
Aho inyo yabaye ntihava (reba no 189).

225.  
Aho inyundo isubiye kabiri haba hari ubuce (11).

226.  
Aho kubarirwa wakwibonera (wakwirebera).

227.  
Aho kubeshya i bwami watona yo.

228.  
Aho kubeshya watona nabi.

229.  
Aho kubona intore y'ijisho wabona iy'Imana.

230.  
Aho kubyuka ushaka inshuti ubyuke ushaka inzu (urugo), inshuti zizizana
(zizakwizanira).

231.  
Aho kuryamira ijambo waryamira inkota.

232.  
Aho kunyereka inkongoro wanyereka umunywi (11).

233.  
Aho kurera imfubyi y'umuntu warera iy'inka (8).

234.  
Aho kurumwa n'uruyuki warumwa n'uruyuzi (14).

235.  
Aho kurwara ibibembe warwara ibinyoro; cyangwa aho kurwara igituntu warwara igisebe.

236.  
Aho kwicarira umutogoto w'inkono wakwicarira ijambo rya nyirayo.

237.  
Aho ubona umwotsi, burya haba hari umuriro.

238.  
ubuhoro bwaraye haba ihene ya Mugasa (9).

239.  
Aho ubwanwa bwaje ubwana burahava (reba no 183; 7).

240.  
Aho ubwenge buke buri inkumi iherera umushyitsi (6).

241.  
Aho udasize umwana uhasiga umugani (7).

242.  
Aho ujishije igisabo ntuhatera ibuye.

243.  
Aho ukuruye urusuka uhakurura urwibo.

244.  
Aho ukuye ingoma irenga uharamvura indi.

245.  
Aho umuberabe ari ntawe upfunya/uhina intoki (2).

246.  
Aho umubyeyi aguye bahatoragura ingobyi (4).

247.  
Aho umugabo aguye undi atereraho utwatsi (3).

248.  
Aho umukecuru atoye uruhindu ahita uruganda (4).

249.  
Aho umukiro uri, ibihaha bica umuhoro.

250.  
Aho umukobwa yishima ni ho umuhungu amukoma (5-6).

251. Aho umupfu yanzuye ntahamenya

252 Aho umurengwe uri baranomba

253 Aho umutindi yanitse ntiriva

254 Aho umwaga utari uruhu rw'urukwavu rwisasira babiri (rwiyorosa batatu)

255 Aho uniga urahasanga umuhogo

256 Aho uramvuye ingoma ikarenga uharamvura indi (reba no 245)

257 Aho usanze ubwoba uhatera kabiri

258 Aho ushishiye ni ho utetera

259 Aho ushyinguye amagara, (urugeni) ntuhashyira ubugi bw'icumu

260 Aho utizeye umugeni ntuhanga umugayo

261 Aho utuye inkondo, ntuharira umwana

262 Aho uzasanga itongo hazaba haratuye umugabo (no 3)

263 Aho wambariye inkindi ntuhambarira ibicocero (ubucocero)

264 Aho wenda ntihaba inzira

265 Akababaje umutima kazindura amaguru

266 Akababaje umwana kamenywa na nyina (4 na 7)

267 Akababaro k'inkoko kamenywa n'inkike itoyemo (no 10)

268 Akabambwe na nyirako gashira ubwema

269 Akabando k'iminsi gacibwa kare kakabikwa kure

270 Akabando k'iminsi gahora kegetse ku muryango (mu mfuruka zose ku kibero cy'inzu)

271 Akabaye icwende ntikoga

272 Akabaye imbwa ku murizo ntikatuma ihiga

273 Akabaye inkanda amaherezo kaba ihururu

274 Akabi gasekwa nk'akeza; Akabi ntigasiga akandi

275 Akabi ni ukutarora uko umuntu ameze imbere

276 Akabigira kabizi karya imboga karitse

277 Akabiri kabi karagusarika

278 Akabimba karuta agaturo

270 Akabindi gahimba akandi kataraza (no 11)

280 Akabindi k'ishavu ni ijosi (no 11)

281 Akabira gakomeye (kabishye), kiyima umupfu

282 Akabira kagiye so karakajya na so wanyu

283 Akaboko kaseguye intwari kifuza iminyago

284 Akabonye umwe gapfa ubusa

285 Akaburiye mu isiza ntikabonekera mu isakara

286 Akabuno kagukunze kakwongeza umwambaro

287 Akabuno ntigasa n'akakabyara gasa n'ako bararana

288 Akabuze ubuguzi gasubira nyirako

289 Akabuze uburyo gakwikirwa bugufi

290 Akabuza umukobwa inzu arakagendana  (no 6)

291 Akadahera ni urwimo n'urugaryi

292 Akadahishwa ni inda n'umuriro

293 Akadatetswe karotswa

294 Akadakora umwe ntikica ubukwe

295 Akagabo gahimba akandi kataraza (no 3)

296 Akagabo gahumura katababuye  (no 3)

297 Akagaragaye ni ko kabona ubuguzi

298 Akagega k'amagambo ni amatwi

299 Akagenigeni karya (kanywa) uwakagenewe

300 Akagezi k'isuri karasiba

301 Akaguru karekare gata nyirako mu mahwa

302 Akagurumiye karizimya

303 Akagurumiye ugatega igihugu

304 Akaguseseye amata ntugasukamo ayandi

305 Akaguteze imanga ugatega iminsi

306 Akaje kayitaye i Bugesera

307 Akaje karemerwa

308 Akaje mu buro barashyana

309 Akaje kagirwa n'akakazanye, gahimwa n'akakazanye

310 Akaje ugatega amaso kagakora ikikazanye

311 Akari bugwe kitandukanya n'icyari kigashyigikiye

312 Akari hagati ya Gacu na Rwabicuma kazwi na bake

313 Akari hejuru ukabaza inkuba (nka )15

314 Akari ikuzimu ukabaza ifuku (nka 13)

315 Akarimi kakurega si ko kakuregura

316 Akarimi karekare ntikabuza ikibaye

317 Akarimi kavuga undi ntikabura

318 Akari inyuma y'intoki karaguma

319 Akari kure karya nyir'amaguru (karibwa na nyir'amaguru)

320 Akari kure karushya ihamagara

321 Akari mu ryinyo ururimi ntiruguma hamwemve

322 Akari munda y'ingoma kamenywa n'umwiru na nyirayo

323 Akari mu nda y'umugabo kazimburwa n'akari mu nda y'akabindi 3

325 Akari mu rugo karugwa imbere

326 Akarimutumye ni agacuma ka Vuka

327 Akarya amagi ntikabwejura

328 Akarya umuhini kaba gasotera isuka reba imbeba irya umuhini

329 Akaryana mu nkanda karyana no mw'ihururu

330 Akaryi k'imyenda (ka cyane) kishyura iminigo

331 Akaryoshye gasenyera imbwa (nka 13)

332 Akaryoshye kataye imbeba munsi y'ibuye (reba Imbeba yakurikiranye... 13)

333 Akaryoshye ntigahora mu itama

334 Akaryoshye ntikabitswa itama

335 Akamara-ntimba kava mu muntu

336 Akamasa kazaca/kazica inka kazivukamo (no 8)

337 Akamaze umugabo iseseme karamubyibushya (no 3)

338 Akambonwa k'i Rwanda ni ko cyago

339 Akamenyero karica (kica inkware)

340 Akamenyero kayitaye mu mutego

341 Akamero kabi karuta akamaro gake

342 Akamero keza ntikabujije imbwa gusega (cyangwa ntikabujije umukobwa kuruha: 6-3)

343 Akami k'umuntu ni umutima we

344 Akamuga gaseka akajyo

345 Akamuga kamenywa na nyirako

346 Akamuga karuta agaturo

347 Akana k'ibwami aho kugahisha wagaha igihango (na 7)

348 Akana k'imvura kakurindiriza nyina (na 15)

349 Akana k'umworo kirabura kataroga

350 Akananiye inkona inkongoro ntikoraho (na 12)

352. Akananiye intozo umugunzu ntukoraho (13)

353. Akananiye umugabo imbuto y'uburo iramungwa (3)

354.  Akananiye umugabo umutima ntubanga ingata (3)

355.  Akananiye umusore ntugira ngo zana nkurushe, ugira uti: zana ndore (5)

356.  Akananiye umutima ntiwirirwa ubanga ingata (no 354)

357.  Akanguhe kajyana imbwa mu bahinzi (13)

358.  Akangumanguma bagakubise inguma (inkoni) kati: ngaha nabona intambara nikuyemo amahoro (ubuhoro), kati: nabyaye data na mama, akandi kati: ko wabyaye so na nyoko wowe wabyawe na nde? kati: aho bigeze aho ngaho haranyobeye!

359.  Akanguye inkono ni ko kayivuma imbyiro (ni ko kayimena)

360.  Akanjyana i bwami ni umuhoro wanjye (11)

361.  Akanwa kabura umutemeri gapfubira nyirako

362.  Akanwa karya ntiwumve, kavuza induru ntiwumve

363.  Akanwa kanze amata barayagaha kakaruka amazi

364.  Akanwa kicaye ubusa kica nyirako

365.  Akanyabugabo ntikabura (3)

366.  Akanyamuhenja kagiye kugura nyina imyungu kati: ndatetse uwashaka twagurana.

367.  Akanyamuhenja kaguye mu bihaza kati: ndatetse sinibye

368.  Akanyoni karitse ku nzira karurirwa n'umugenzi

369.  Akanyoni karitse ku nzira kati: nzapfa nzakira simbizi

370.  Akanyoni katagurutse ntikamenya iyo bweze

371.  Akanyoni mwanyaze ntukarya agahanga

372.  Akarangiye ntikayaga

373.  Akaremereye gaca inyundo (11)

374.  Akarenze impinga/umunwa/ inzira/ irembo/ ururimi, karushya ihamagara/igarura

375.  Akaro ntikavuga mu buroro

376.  Akarusha umusega kwota karashya (13)

377.  Akarushya umukobwa baragendana (6)

378.  Akatari amagara karahahwa

379.  Akatari mu wanjye singahisha

380.  Akatari mu wawe gatera ipfa

381.  Akatavuga ntigahenda akatavuga

382.  Akatayatondewe ntikayamenya

383.  Akatazi kubyina kavumba nyakatsi/ ntikavumba mu bukwe

384.  Akazi kurya imboga ubusa, karitse umutsima

385.  Akatiyambitse ntikambika mushiki wako (6)

386.  Akava-mashyiga karinda nyir'inka (8)

387.  Akayiguyemo karuta akayivuyemo

388.  Akayingayingo kahuye n'abagitsi kati: Hobe bagabo biteye umuruho (3)

389.  Akayongoyongo kayongobeje akayabo k'umutindi kati: ubukire buracyariho (12)

390.  Akazapfa kabungira akazakica (16)

391.  Akazarusenya gahora inyuma y'inzu

392.  Akazasenyera ibisiga kava iwabo wa sakabaka (12)

393.  Akazi k'umusebeya kaba kari no ku mwungo

394.  Akaziye umugabo ntata ingata (3)

395.  Akazu gato kajya ubwatsi

396.  Akebo kajya iwa Mugarura

397.  Akeza karashakwa, akabi kakizana

398.  Akicaro keza kikuramo n'uzi ubwenge

399.  Ako imbwa yahebye ibona basya umunyu igasohoka (13)

400.  Ako imbwa yanze umanika aho ireba (13)

401.  Ak'imuhana kaza imvura ihise (15)

402.  Ako iminsi iteruye ntikaremera

403.  Akishe umukondo ntigasiga amara

404.  Akiswe umugambanyi ntikaba kakibikijwe amabanga

405.  Akiswe umwana ntigacanwa (7)

406.  Akiziritse ku muhoro gashirwa kawuciye (11)

407.  Ako bagaya ni ko kagabo

408.  Ako umukobwa ashaka karamugarika (6)

409.  Ako utazaha inshuti ntukayiraga

410.  Ako utazi muricarana

411.  Akugaya ikijya epfo ukamugaya ikijya ruguru

412.  Akumiro ni inda, amavunja arahandurwa

413.  Akuzuye umutima gasesekara ku munwa/ku rurimi

414.  Arimo gishegesha (gishigisha) ntavura

415.  Ariruka amasiga-Mana

416.  Amababi y'urugo ni amagambo yarwo

417.  Amabere yonsa abana ba rubanda ava ku ijuru (4,7,13)

418.  Amaboko akorera inda, yapfa akayipfumbata (16)

419.  Amaboko arya ibijumba n'aramutsa imfura birangana

420.  Amaboko atareshya ntaramukanya

421.  Amaboko make akubitisha nyirayo

422.  Amaboko make atera imico myiza

423.  Amaboko matindi atema ibizarara

424.  Amaboko yanga (gukorera) inda yapfa akayipfumbata (cfr.418 na 16)

425.  Amabura-kindi akingira inkota akaboko (11)

426.  Amabyi azica umwana ntamuva mu kibuno (7)

427.  Amacumu y'impengeri ntiyotsa agatara

428.  Amacumu y'inda ntashira igorora (11)

429.  Amacunda ntabuganizwa (8)

430.  Amacunda y'inka ebyiri arazirwa

431.  Amafuti y'umugabo ni bwo buryo bwe (3)

432.  Amagambo abwirwa benshi akumvwa na bene yo.

433.  Amagambo ageze iwa Ndabaga

434.  Amagambo ahariwe Nankana - Wankana

435.  Amagambo aratinywa ariko ntiyica nk'icumu

436.  Amagambo ashize ivugwa ntiyisha abagabo izuba

437.  Amagambo atagira umukuru arumba ari indaro

438.  Amagambo atavunaguwe ntakwirwa mu ruhago.

439.  Amagambo menshi aziba amatwi

440.  Amagambo ntashira ararekwa

441.  Amagambo y'inka avugwa zitarinikiza

442.  Amagambo (amaganya) y'inkoko amenywa n'inkike yatoyemo

443.  Amangati aruta isari

444.  Amagara aryana akara

445.  Amagara araryoha

446.  Amagara arasaza inda igataragiza

447.  Amagara iyo yatewe hejuru, umwe asama aye undi aye.

448.  Amagara make asenyesha ku rusika

449.  Amagara ni nk'amazi; araseseka ntayorwa

450.  Amagara ntacurwamo ubuhozozo

451.  Amagara ntaguranwa amagana

452.  Amagara ntamera aramirwa

453.  Amagara yera rimwe ntiyera kabiri

454.  Amagara y'uruzingo ni umunyotwe (7)

455.  Amage iyo yaje arisha umugabo igikoba (3)

456.  Amagi iyo avuyemo nyina arabora (4)

457.  Amagorwa y'umugabo ni ugusigariza umwana udahaze (3)

458.  Amagorwa y'umugabo aza bugariye (3)

459.  Amagura-nka ni yo azitubya (8)

460.  Amaguru aba mu nda

461.  461 Amaguru ahata inzira ibirenge

462.  Amaguru ntiyishyuzwa

463.  Amaguru y'imvura ni umuyaga (15)

464.  Amahane arumvwa ntarorwa

465.  Amahanga asana inkono

466.  Amaherezo y'inzira ni mu nzu

467.  Amahirwe ntagirira ngo mwashatse kimwe

468.  Amahundo abiri aruta amahinguko make

469.  Amakuba y'abagabo aza barora (3)

470.  Amakuba y'umugabo ni ugusigira umwana udahaze (no 457)

471.  Amakuba y'innyo aza ijoro rirushye (bugariye) (no 458)

472.  Amakungu aterura indaro

473.  Amaribori y'urwagwa ni urumeza (umwera - ubuheri)

474.  Amarindiro y'umudaho ni uguhora (11)

475.  Amaringanire arazirwa

476.  Amarira y'inka ashoka ajya mu kanwa (8)

477.  Amanywa-nzoga si yo manywa y'abagabo (3)

478.  Amapfa arashira igihemu ntigishira

479.  Amapfa n'ipfa ntaho bihuriye

480.  Amaraso ari buve ntarara mu mubiri (cyanga amaraso atari ayawe ntakurara mu mubiri)

481.  Amarenga y'urupfu ni ukurwara (16)

482.  Amareshya-mugeni si yo amutunga

483.  Amaronko arazirwa

484.  Amasaka aratundwa ubwoko ntibutundwa

485.  Amasangira-bere si yo masangira mugisha (4-7)

486.  Amashaka-rugo aragora umugore ntiyatutse umugabo (3-4)

487.  Amashyi make yimisha umwana impengeri (7)

488.  Amashyo arutwa n'impengeri ku mashyi (8)

489.  Amashyo mboga zizanye

490.  Amashyo mushumba uragiye impongo, mbabariye uzaziragira ejo (13)

491.  Amashongore biguma bigeze ku munwa (no 489)

492.  Amaso abera imutwe kureba (kurora)

493.  Amaso ya babiri areba ukubiri

494.  Amaso yaburiye/yapfubiye nyirayo amwereka ingwe (13)

495.  Amaso yerekwa bike ibindi akirorera

496.  Amaso y'imbwa ntabuza umugabo kurya ibye 3-13

497.  Amasunzu si amasaka

498.  Amata ananiye imfubyi aba atari yo

499.  Amata asabwa aho ari

500.  Amata azakenya umugabo ayabonera ku nama (3)

501.  Amata azakenya umugore ayabona ayacunda (4)

502.  Amata make amena amenshi

503.  Amata make atera induru amazi akayavuna

504.  Amata iyo yagiye ikuzimu rubanda bakurikiza yo icyansi

505.  Amata y'umuzungu uyanywa akiri inshyushyu, warinda ko avura akameneka

506.  Amata yakunaniye agukukisha ikiziba ikijya-ruguru (8)

507.  Amategeko aremera nk'amabuye

508.  Amatwi yuje amata ntiyumva (8)

509.  Amatwi yumva byinshi amaso aberaho kurora

510.  Amatwi y'umwami ntanena

511.  Amava-muhira atwaza umugabo (umusaza) ingabo (3)

512.  Amavuta y'umugabo ni amuraye ku mubiri (ku murundi) (3)

513.  Amaze ake nk'inka ibyaye mu cyi (8)

514.  Amazi arashyuha ntiyibagirwa iwabo wa mbeho

515.  Amazi asumira ku mabuye

516.  Amazi ataraganye akwira igishanga

517.  Amazi iyo agize ati: winyiyuhagira, ugira uti: nta mbyiro mfite

518.  Amazi iyo yabaye make aharirwa imfizi

519.  Amazi y'amasabano ntamara inyota (imbyiro)

520.  Amazi y'imuhana arakarabwa ntiyiyunyuguzwa

521.  Amazimwe ni yo ntangiriro y'ubuhemu

522.  Amaziro n'amaciro birangana

523.  Amendezo y'uruhara ni amasoso

524.  Amenyo aketa urw'undi ntakeka

525.  Amenyo arya ababo ntakangura rubanda

526.  Amenyo arya imbuto agaseka (akareka) intabire

527.  Amenyo arya inshuti ararumirwa

528.  Amenyo arya urugo rw'undi ntakuka

529.  Amenyo ayisekera ni yo ayirya

530.  Amenyo mabisi aseka ayumye azayasanga

531.  Amenyo ni amabuye arya imbuto agaseka intabire (no 526)

532.  Amenyo ni amabuye aseka asize intimba mu nda

533.  Amenyo yakabaye hejuru y'inda

534.  Amenyo y'icyiyone yagiteye kwimena inda (12)

535.  Amiringire araza amasinde

536.  Amiringire ni yo yatumye igikeri kitagira umurizo (cyangwa: amiringire y'igikeri yakibujije kumera umurizo)

537.  Amirirwo ntabura nk'amataho

538.  Amirariro atera aminaro

539.  Amishyitso y'umusumbakazi yoza inkono ivuga (4)

540.  Amashyo y'umugabo (y'umugore) asenya inzu (3 – 4)

541.  Amunguko make arutwa n'amahundo abiri

542.  Arakora ubusa nk'umwana wenda undi (7)

543.  Ararya amara inyama zegetse

544.  Ararekwa ntashira

545.  Ararwana ku kashize nk'umukobwa warongowe (6)

546.  Asigaye aguzanya n'ifuku, yaza kumwishyura ikamurusha umubyizi (13)

547.  Asigaye arwanira umwobo (umwuko) n'urushishi (13)

548.  Asigaye yitsamura amenyo akagwa

549.  Atari ayawe ntakurara mu mubiri

550.  Ati: Ryangombe rya mukeba urampe kubyara Iti: n'abo wabyaye ndamikwa

551.  Ati: Ryangombe urampishe mu ntabire: Iti ariko uzabanze uharunde imbagara

552.  Avoma hafi nk'umunyamujinya

553.  Ayo ubwira umucuzi si yo ubwira umucuzikazi

554.  Ayo ubwira umwanzi si yo ubwira umwenzikazi (4)

555.  Ayo umugabo yiteye ntamutera umwete

556.  Ayugariwe ni yo yibwa inka (8)

557.  Azanye umweko asiga inkanda

B

558.  Babajije inyamanza bati: ko ufite ukuguru gutoya ? Iti: na ko nagukesheje Rusengo, Semugeshi arenda kukubazamo ubwato! (12)

559.  Babonye umwezi bagira ngo bwakeye

560.  Babwiye umubembe bati: kirazira, ati: ko Nyakwigendera yishe intungura nanjye nkica inyamanza byadutwaye iki? (12)

561.  Babwiye umubembe bati: ko wacanye inkwi zo ku gituro, ati: ko nazicanye nabaye iki ?

562.  Babwiye umugabo bati; ko ukandagira imigendo, ati; ahoga Birenge ni wowe ubwirwa (3)

563.  Babwiye impyisi bati: urakabona amaraso yuzuye akanwa, iti nabonye n'agacagase! Bati: amayira yapfuye, iti; nsanzwe ngenda nijoro! (13)

564.  Bagabobarabona yahamagaye urupfu ngo nirugaruke rumurarire (16)

565.  Bagabobarabona yahetse ihene iramuruma, ayishyize hasi iramusiga, ati: u Rwanda rwampaze nanjye ngahata inzira ibirenge (9)

566.  Bagabobarabona yambutse uruzi uruhu rwe rugwamo, ati: ruramaze rwari rurariwe kumeswa (8)

567.  Bagabobarabona yasabiye Misozirakinga, amushyingira Mazaratwikiye, ati: ako  utazi kaba munsi y'umukingo

568.  Bagabobarabona yashatse Ntacyamuturukira, babyarana Ayurugo-ruzanye

569.  Bagarira yose ntuzi irizera n'irizarumba

570.  Bagaragaza ba Bagaragaza ati; aho abato bari bararyimara

571.  Bagira umutima nka Nyiramutega uteka imbuto yo mu ihembe

572.  Bagize ngo Birimbi araroga, ati: bizi inda yanjye

573.  Bagukoye Rugari wiyongereraho Rugarama

574.  Bahana umushire

575.  Bajya baca umugani ngo ambuka rwarakamye

576.  Bakubise nyir'uruhara, nyir'imvi ati: bene ubusembwa batashye

577.  Bakunda inkwi bakanga umushenyi

578.  Bakingira ba Mujinya yahamagaye urupfu ngo ruze rurarire mwene nyina (16)

579.  Barihamagara yarihamagaye ngo urupfu niruze rumujyane (16)

580.  Barihamagara (Barihamagarira) yariye umwenda w'inkuba (15)

581.  Barihamagara yasanze bashora, ati: nanjye nimunshore, baranuganuga, baramushora arirabura baramwica yo

582.  Barihenda yagabye intizo

583.  Barihenda yanyoye urubu (8)

584.  Barya inkuru batazi guhara (8)

585.  Bamenya icyo yishe ntibamenya icyo ikijije

586.  Bamuhaye Vunja na we yiha (yiyongereraho) Ubuyaza

587.  Banegura ibyigondoye umuhoro ukarakara

588.  Banegurana ari inege ba nenge itirora

589.  Bankora ku nda nkaramukwa

590.  Barabe bake beza bakebesha

591.  Barabona yahamagaye urupfu ngo rumurarire mu bana (16)

592.  Barayora yaguye i Bujinja (agiye kugaruza umwite umwambi)

593.  Barucira kasha rukica cyasha

594.  Baseka umupfu na we akiseka

595.  Basekana imbereka ni imbwa ya Rwamurima (13)

596.  Basekana imbereka

597.  Basekana rukoba bahetse rukobora

598.  Bashahuye imbwa iti: si amabya nkize

599.  Bashimira mu iriro ntugaye icyo utaramenya ngo urire utaramenya uwapfuye (16)

600.  Batanga bahemutse ni inkongoro ya Biheko

601.  Bati: abo kwa Bice murasangwe! Bati: bwa buryaga ntakahacaga!

602.  Bati: abo kwa Butarataza muratege abajura, ati: bwa burya ntibahace

603.  Bati: amayira yapfuye, impyisi iti : ni hahandi nari nsanzwe ngenda nijoro (no 563)

604.  Bati: cyura amashyo Mwungeri w'inzovu, ati: mbabariye uzaragira ejo (13)

605.  Bati: gahanga wazize iki? Ati: nazize urw'abagabo, ariko wowe uzazira ururimi rwawe (3)

606.  Bati : gikeri utahe n'intashya, kiti: mpuriye he n'ibiguruka (cyangwa : ngenze nte n'ibiguruka?) (12)

607.  Bati: gishwi urabyina nabi, kiti: mwanyerekera ni yo nkihagera (12)

608.  Bati: gira amashyo Mwungeri w'inzovu, ati: mbabariye uzaragira ejo (n° 606, na 13)

609.  Bati: hangira Ruhubira, ati: itarabagwa natungwaga n'iki? (cyanga itaragwa naryaga iki?)

610.  Bati: hindukira musumbakazi, ati : ni cyo cyanzanye (4)

611.  Bati: kamwa musheru, iti: n'ayo nkamwa yose ndajiginywa (9)

612.  Bati: Kanyamanza (nyamanza) ko ugira akaguru gatoya? iti: na ko ngakesha Rusengo, kuko Rusenzi yari yavuze ngo bazakabazemo ubwato bwo kwambukirizamo umuhozi (no 558, na 12)

613.  Bati: mbe mugabo aka umwana inkota ; ati: ay'ejo yarankanze ndagira ngo turwane (3 na 7)

614.  Bati: mbe Nyirarunyonga ko unnyana inkota? Ati : intambara y'amabyi inyigeze kabiri

615.  Bati: mubembe kirazira, ati; ko nabikoze na Nyamwigendaho byantwaye iki? (no 560)

616.  Bati: mwene Nyarindi yamennye ingoma, bati: n'aho yazimena yazihagamo

617.  Bati: Nyakabwa nyoko yarahiye, ati: no gushya yashya nasize yota butindi

618.  Bati; nyamanza kuki utona amasaka? Iti: akambonwa k'i Rwanda ni ko cyaga (12)

619.  Bati: Nyiramwumva nabi umugabo wawe imbogo yamwishe, ati: ndabizi arayizana mugabo wa mama (3)

620.  Bati: Sagaga igituma udasigariza umugaragu wawe ni iki? Ati: mu nda ni kure

621.  Bati: Semuhanuka Imana yeze ngo tabara, ati : murabe mwejeje n'uko ndibubakundire (1)

622.  Bati wa mugabo we kwikorera umupfu uri umwe? Ati : uwamumfashije ni uyu ! (3)

623.  623 Batotana batimenyabo mi nu ati

624.  624 Bavuga ibigondoye umuhoro ukarakarage (no 587, na 11)

625.  625 Bavuga irihe ni umwana w'umunyarwanda (7)

626.  626 Bazibona imivumu, ni agacuma kanjye (11)

627.  627 Bazibona imivumu, ntibazibone imigenzo

628.  628 Bazirunge zange zibe isogo (7)

629.  629 Benda ntagira n'umwana Bikoko (7)

630.  Bene amenyo yera baraseka

631.  Bene amazuru ntibaburana n'ibya nyuma

632.  Bene Imana basura barwaye (1)

633.  Bene imigisha basura barwaye

634.  Bene imitsima bayitsimbayeho

635.  Bene inka nke banga inyama (8)

636.  Beteta bajya he, ni uburo bw'i Nduga

637.  Biburiye ibiri mahembe, nkanswe ibiri inkungu (8)

638.  Bigangura bya Biguma ahuye n'uwikoreye umuzinga, ati: amashyo uwikoreye umuzinga! ati: amashongore uwiteye umugabo (cyangwa uwiteye akazana atazi akazaza ejo)

639.  Bigangura bya Biguma, ati: jyewe wabonye uko iminsi igira umugabo, nimpamagara sinzayitaba (3)

640.  Bigirankana bya Nirwange, bamubwiye kuzana ifuni yo guhamba shebuja, ati: mwayimubaza we uzi aho yayibitse (11)

641.  Bigira nkana bya Nirwange, bati: jya kuvoma barike, ati: nimumpe uwanjye ngende nywurumanga!

642.  Bigirankana bya Nirwange yabwiye umugore abonye inzu ihiye, ati: jya gusasa niryamire, ntawe uzimya uwatse

643.  Biguma bigeze ku munwa (umugani w'impyisi n'ihene)

644.  Binego by'umwanzi arabandwa ntavunura

645.  Binumbiri yagwiriye insina ati: wowe nyirabayazana (cyangwa Binumbiri yagwiriye insina baramuseka, ati: nasekwa n'utararuteye)

646.  Birabe ibyuya ntibibe amaraso (no 1128)

647.  Biramurega bya Muragira baramubwiye bati: jya kuvoma, ati; uwanjye nibawumpe ngende nywurumanga (no 641)

648.  Bisakarirwa bizavirwa

649.  Bishya bishyira Bishyito

650.  Biza byirabura, bikaza byera, bigaturwa umwami (igitoki-urwagwa)

651.  Bona byinshi iraguma

652.  Bucya bwitwa ejo

653.  Bucyana ayandi

654.  Bucya zihindura imirishyo

655.  Buhurihuri yahonze ubwinyo mu nzira ati: murindi yanga uwo buriranye

656.  Buhoro buhoro bugeza umuhovu ku mugezi (14)

657.  Buhoro buhoro ni rwo rugendo

658.  Buhunyuhunyu bwa Buhunyege yakubise ubuzuru hasi ati: u Rwanda ruramparurutswe

659.  Buhunyuhunyu bwa Buhunyeri arariye Buhuryamye amuzimanira inuma ati : ngukenze iryo

660.  Bukorikori bwa Nzikoraho yakoze icyo adashoboye

661.  Bukorikori bwa Nzikoraho yakubise inkoni ku ibuye ati: narebaga ko riboze (11)

662.  Burya si buno

663.  Bumpurugutu bwa Bunzinya bati: kwugarira wicaye? ati ni ukugira ngo ndebe akanjye n'ubute

664.  Bunzuguru bwa Bunzinya akubise akabuno mu nzira, ati: u Rwanda rurampararutse ngahata inzira ibirenge!

665.  Bunzuguru bwa Bunzinya akubise ubuzuru hasi, ati: u Rwanda rwampaze!

666.  Bushya aho busigaye

667.  Butare bwa Ngayubwiko ati: ntawe useka inero bucya bahura

668.  Butindi bwa nanga amabwire yatereye agasozi karamunanira, ati: aho agasani kankurikiraniye agasozi ntikakimfa agasoni

669.  Bwengebuke yaririye Baributsa

670.  Bwengebuke yishe uwamuhoreraga

671.  Bwenge bwa Mugani bamurashe umwambi ku kaboko, ati: bano si ababisha ni inkengesha !

672.  Bwira ijogo (igicucu) ryawe imyenge y'undi itore (yumve)

673.  Bwiruko ni we bwirukiro (si we bwirukiro)

674.  Bwitirirwa umwana bugatera nyina akabondo (14 na 7)

675.  Byabara umusazi (usara)

676.  Byabaye urw'inzoka n'umugenzi (13)

677.  Byagaze iruta byabuze

678.  Byageze i wa Ndabaga (umugani wa Ndabaga)

679.  Byakaburiye n'ibiri mahembe nkanswe ibiri nkungu (no 637; 8)

680.  Byakaburiye n'abazima nkanswe abazimu

681.  Byombi biraguma (iraguma)

682.  Byamurenga bya Muragira bati: inzu irahiye, ati: nimusase ndyame (no 642)

C

683.  Canamo mu rw'undi ntibura

684.  Cira mu gacuma haryoha uruhoze

D

685.  Dusangiye umwami ntidusangiye ijambo

E

686.  Enda iruta uzabona

F

687.  Fata ko ni yo gabo

688.  Findifindi irutwa na so araroga

G

689.  Gahaza ka Mpaza amabwire yahetse ihene iramuruma ahindukiye iramuhema, ati: u Rwanda rwampaze na njye ngahata inzira ibirenge!

690.  Gahebeheba ka Ntibaheba, ati: Urwanda rwanyanze ngahata!

691.  Gahima yanywanye na Kajogora, ati: intege nke zitera imico myiza

692.  Gashimuzi ka Ntibanyurwa, yabwiye Misozirakinga, ati: rubanda ntibanyurwa

693.  Gashiramazeze ka Ntibaziguruka ati: rubanda muheba nabi

694.  Gashiramazeze ati: rubanda ntibaheba

695.  Gashubi yakanze Rutenderi

696.  Gatinda mu nda kakazica umwuzukuru (7)

697.  Genda shashi nkumenye nshaje! (reba Kimenyi yariye ishashi....)

698.  Gesa ubw'iyo ubw'ino ntiburera

699.  Gihuga isubiye ku gihuru

700.  Gikona burya uzi ko njya ngukeka amababa! (12)

701.  Gira so yiturwa indi.

702.  Gira umwami ugire n'inshuti

703.  Guca ku nda n'indyarya ni ugusigira abana impyisi ugasinzira

704.  Guha inda ni ukuyirariza

705.  Guha intanyurwa ni ugusesa

706.  Guha umukungu ni ukugura inzira

707.  Guherekeza si ukujyana

708.  Guherekeza utagushaka ni ugutera inzira kuramba

709.  Guhora umwami ni ukumwicishaho umutoni we

710.  Guhunga kw'imfura ni ukuyembagira (kuyembayemba)

711.  Gukanura amaso si ko gukira

712.  Gukira kwibagiza gukinga

713.  Gukura (undi) aho abahinzi bakuye inyoni (12)

714.  Gukura si ukubyiruka

715.  Gukunda ikitagukunda ni imvura igwa mu ishyamba (15)

716.  Gupfa si ishyano, kurara ubusa ni ryo shyano

717.  Gusaba uwo munganya ububabare, ni ugusiga irembo ugaca mu cyanzu

718.  Gusaba kwa mukuru ni uguhagarara

719.  Gusaza ni ugusahurwano (738)

720.  Gusekera utagushaka bitera imbeho mu menyo

721.  Gusêra intanyurwa ni ugusesa

722.  Gusêra umukungu ni ukugura inzira

723.  Gushyukwa k'umukobwa guhera mu itako (6)

724.  Gutora kuruta kwiba, kwiba kumena amaso

725.  Gutuka utagutuka ni ukwituka!

726.  Guturana n'umwanzi ahubwo wapfa!

H

727.  Haba guhinga hakaba no guhirwa. Cyangea: Haba guhirwa ntihaba guhinga

728.  Haba Imana ntihaba impuhwe (1)

729.  Haba Iyakare n’amahirwe (1)

730.  Haba Rugira, hakaba umugizi (1)

731.  Haba ubugabo ntihaba ubukuru.

732.  Haba umugisha ntihaba ubugabo.

733.  Haba umuhanwa hakaba n’umwihane, hakaba n’uwananiranye (7).

734.  Haburiraga mwene Muzima nkanswe mwene Muzimu.

735.  Habunda uwirutse.

736.  Habyara Imana abantu bakarera (1)

737.  Habyara shobuja ntihabyara so (kuko habyara inka) 3

738.  Hacika umuryango ntihacika ubwoko.

739.  Haganira abicaranye

740.  Haganya nyir’ubukozwemo naho nyir’ubuteruranwe n’akebo, ntakoma

741.  Hagati y'abapfu n’abapfumu hamenya abahanga

742.  Hagati y’akarimi n’agatima haciye akaringoshyo (akari ingobe)

743.  Hagati yumutwe n’umutwaro haca ingata

744.  Hagati yo kuvuga haciye kuzirikana

745.  Haguma akatsi

746.  Haguma kwiha

747.  Haguma ruseke, ibintu biragenderwa

748.  Haguma umwami ingoma irabazwa

749.  Hakira uwakize

750.  Hakomera imfubyi ifuni iroroha (iragororwa)